Id-dħul mill-biedja fl-Ingilterra naqas b’19% is-sena li għaddiet wara li l-għargħar kien ifisser li l-ħsad ta’ ħafna uċuħ kien impossibbli. Il-bdiewa kienu talbu għall-għajnuna mill-Gvern minħabba li n-negozji agrikoli ma setgħux joqogħdu fuq it-temp tar-Renju Unit u qed jiffaċċjaw dejjem aktar nixfa u għargħar.
L-irziezet ikkontribwew ukoll għal tnaqqis fl-ekonomija tal-Ingilterra fl-2023 għal £10bn, tnaqqis ta’ £1bn, meta mqabbel mal-2022. Id-dħul totali tal-bdiewa mill-agrikoltura fl-Ingilterra kien £4.5bn, tnaqqis 19.0% meta mqabbel mal-2022.
Skont il-Met Office, fl-Ingilterra fil-perjodu ta’ bejn Ottubrutal-2022 u Marzu ta’ din is-sena, niżlet 1,695.9mm ta’ xita, aktar minn kull perjodu ta’ 18-il xahar minn meta l-organizzazzjoni bdiet tiġbor data komparabbli fl-1836. Ix-xjentisti qalu li t-tqassim tal-klima x’aktarx kien qed jikkawża perjodi aktar intensi tax-xita fir-Renju Unit.
Huwa maħsub li l-bdiewa dalwaqt mhux se jibqgħu jirċievu rata fissa ta’ appoġġ mill-Gvern. Dan minħabba li l-iskema ta’ pagamenti bażiċi derivati mill-UE qed titneħħa gradwalment. Minflok, l-irziezet Ingliżi jridu jiffirmaw fi skemi ambjentali biex jiksbu fondi mill-gvern.
