L-Għassa ta’ Wied il-Għajn daqt tkun lesta

Ir-residenti ta’ Wied il-Għajn fi żmien qasir se jkunu servuti minn għassa ġdida, li dalwaqt tkun lesta. Il-Ministru għall-Intern Byron Camilleri, fil-parlament qal li f’Wied il-Għajn qed tinbena binja speċifikatament biex tkun għassa, kuntrarju għal dak li ġara f’irħula u bliet oħra fejn il-bini tal-għassa kellhom skop ieħor qabel intuża għal għassa. Qal li hu infurmat li l-għassa se tkun lesta u tibda topera b’mod sħiħ fi żmien qasir.