Bernard Grech b’messaġġ ta’ inklużjoni għal żmien il-Milied
Fil-Messaġġ tiegħu għal żmien il-Milied il-Kap tal-Oppożizzjoni Bernard Grech fakkar dwar l-akbar avveniment fid-dinja li huwa t-twelid ta’ Kristu. Fakkar li dak iż-żmien is-soċjetà ma sabitx post għalih. Hawnhekk Grech staqsa kemm aħna bħala poplu qegħdin insibu spazju għal dawk l-aktar vulnerabbli u dawk l-aktar fil-bżonn, jew dawk li qed jikkontemplaw li jtemmu ħajjithom.
Grech qal li minkejja kull liġi pożittiva jew kull forma ta’ benefiċċju, hemm nies li mhumiex qegħdin ilaħħqu u għalhekk jeħtieġ li nkunu ta’ spalla għal xulxin.
Tkellem dwar dawk l-aktar emarġinati fis-soċjetà li ngħixu fiha. Fir-rigward tal-immigranti, huwa żied jgħid li anke dawn għadhom id-dritt li jkunu maħbubin u jgħixu ħajja dinjituża.
Il-Kap tal-Oppożizzjoni temm jawgura lil dawk kollha ta’ rieda tajba u appella biex “kull wieħed u waħda minnha ngħinu lil xi persuna li tinsab waħdiha u li qatgħet qalbha li hi wkoll tista’ tirnexxi”.
