Minn Kayne Said, Maniġer għal Komunikazzjoni – Fondazzjoni Logħob Responsabbli – [email protected]
Il-logħob tal-azzard jista’ jkun tassew eċċitanti u divertenti, iżda huwa kruċjali li wieħed jilgħab b’mod responsabbli. Il-logħob irresponsabbli jista’ jwassal għal problemi serji finanzjarji, emozzjonali u saħansitra psikoloġiċi.
Waħda mill-aktar raġunijiet importanti għaliex għandek tilgħab b’mod responsabbli hija biex tiġi evitata d-dipendenza fuq il-logħob.
Meta ġukatur jibda’ jattwa din l-attività b’mod eċċessiv jista’ jsib ruħu f’sitwazzjoni fejn qed jonfoq aktar flus milli jista’ jaffordja. Dan jista’ jwassal għal problemi finanzjarji kbar, bħal dejn, telf ta’ proprjetà, jew problemi fil-familja.
Il-logħob responsabbli jfisser li tkun taf il-limiti tiegħek u tibqa’ fil-kontroll. Huwa importanti li tistabbilixxi baġit ċar qabel tibda tilgħab u li qatt ma tonfoq aktar milli tista taffordja li titlef. Dan jgħinek tgawdi l-esperjenza tal-logħob mingħajr ma taqa’ fi problemi.
Barra minn hekk, l-imħatri għandhom ikunu attività ta’ divertiment u mhux mod kif tipprova tirranġa problemi finanzjarji jew emozzjonali. Meta ġukatur jara l-imħatri bħala soluzzjoni għal problemi personali, hemm riskju ikbar li jinqabad fiċ-ċiklu vizzjuż tal-logħob kompulsiv, li jista’ jħalli ħsara serja fuq il-ħajja tiegħu u ta’ dawk ta’ madwaru.
Il-logħob b’mod responsabbli mhux biss jipproteġik mill-konsegwenzi negattivi, iżda jgħinek ukoll tifhem li l-imħatri huma biss forma ta’ divertiment.
Jekk tirrikonoxxi l-importanza tal-logħob responsabbli u tirrispetta l-limiti tiegħek, tkun tista’ tgawdi l-imħatri b’mod sigur u sostenibbli mingħajr ma tpoġġi lilek innifsek jew lill-maħbubin tiegħek f’riskju.
Konklużjoni
Il-logħob responsabbli huwa essenzjali għal kull ġukatur tal-logħob tal-azzard biex tiġi evitata d-dipendenza, tissalvagwardja s-saħħa mentali, u tipproteġi l-istabbiltà finanzjarja.
Meta tilgħab b’mod responsabbli, tkun tista’ tgawdi l-esperjenza tal-logħob mingħajr ma tagħmel ħsara lilek innifsek jew lill-maħbubin tiegħek.
F’kull mument waqt il-logħob tal-azzard żomm f’moħħok li l-benessri personali tiegħek huwa aktar importanti minn kull rebħa.
Jekk tħoss li l-logħob tal-azzard qed jikkawżalek problemi fil-ħajja tiegħek, agħmel kuraġġ u fittex is-sapport.
Ċemplilna fuq il-linja ta’ sapport nazzjonali 1777 u nkunu nistgħu nissapportjawk bl-aħjar mod possibbli.
www.rgf.org.mt
