Kif tħabbar fit-tnedija tat-12-il edizzjoni tal-Fun Run tal-President, din is-sena se tkun qed tieħu xejra kemxejn different mis-soltu. Dan hekk kif għall-ewwel darba, din l-attività mhux se tkun qed tintemm fil-Belt Valletta iżda se tkun qed tiġi organizzata f’kull belt u raħal.
Fost id-diversi lokalitajiet, is-Sindku tal-Imqabba Omar Farrugia qal li l-Imqabbin ukoll se jkunu parti mis-suċċess tal-Fun Run 2021.
Permezz ta’ messaġġ fuq il-midja soċjali, huwa ħeġġeġ lill-pubbliku biex imorru l-Kunsill Lokali u jagħtu donazzjoni ta’ €10. Farrugia spjega li filwaqt li meta jagħmlu hekk se jingħataw il-flokk uffiċjali, huma se jkunu qed jgħinu f’din il-kawża ġusta b’risq The Malta Community Chest Fund Foundation.
Il-Fun Run fl-Imqabba se tkun qed issir nhar il-Ħadd 21 ta’ Novembru fl-10.00a.m.
