Il-biċċa l-kbira tan-nies fir-Renju Unit u l-Ġermanja jqisu l-isforzi ta’ Elon Musk li jindaħal biex jinfluwenza l-politika nazzjonali tagħhom bħala inaċċettabbli. Huma jemmnu li l-biljunarju tat-teknoloġija tal-Istati Uniti ma jaf xejn dwar kwalunkwe pajjiż jew il-kwistjonijiet li jiffaċċjaw, skont stħarriġ minn YouGov.
L-istħarriġ, isegwi sensiela ta’ dikjarazzjonijiet ostili mis-sid biljunarju ta’ Tesla, SpaceX u l-pjattaforma tal-midja soċjali X li jattakkaw lill-Prim Ministru Ingliż, Keir Starmer, lill-Kanċillier Ġermaniż, Olaf Scholz, u lill-gvernijiet rispettivi tagħhom.
Dan is-sondaġġ, ta’ aktar minn 2,200 persuna f’kull pajjiż, sab ukoll li maġġoranza ta’ 54% fiż-żewġ pajjiżi jaħsbu li “mhux importanti” għall-gvernijiet tagħhom li jikkultivaw relazzjoni tajba ma’ Elon Musk, filwaqt li madwar 50% qalu li Musk għandu jiġi injorat.
Sab ukoll li 13% biss ta’ dawk li wieġbu fiż-żewġ pajjiżi iqisu l-interventi ta’ Musk fil-politika tagħhom bħala aċċettabbli, b’69% fir-Renju Unit u 73% fil-Ġermanja jgħidu l-oppost. Ħafna ħasbu wkoll li l-indħil tiegħu fil-politika Amerikana kien inaċċettabbli.
Fil-Ġermanja, Musk ġibed fuqu il-furja ftit ġimgħat qabel l-elezzjonijiet federali b’rimarka fuq X fejn sostna li l-Alternative für Deutschland (AfD) tal-lemin estrem biss tista “issalva l-Ġrmanja”. Huwa sejjaħ ukoll lil Kanċillier Olaf Scholz, “iblah u inkompetenti”, u lill-president tal-Ġrmanja, Frank-Walter Steinmeier, bħala “tirann anti-demokratiku”. Il-ġimgħa li għaddiet huwa faħħar lill-mexxej tal-AfD, Alice Weidel, fi X live stream.
Musk iddeskriva lir-Renju Unit bħala “stat tiraniku pulizjesk”, u attakka lil prim ministru Keir Starmer “Keir b’żewġ saffi” fuq allegazzjonijiet ta’ diskriminazzjoni ġudizzjarja kontra rvellijiet tal-lemin estrem, u għar-regoli ġodda tat-taxxa fuq il-wirt tal-irziezet u sejjaħ lir-Renju Unit bħala “li miexi fuq il-passi ta’ Stalin”.
Huwa qal li r-Re Karlu għandu jxolji l-parlament u li l-Prim Ministru Laburista jiġi mitfugħ il-ħabs għall-allegat sehem tiegħu fi skandlu tal-grooming gangs, u sejjaħ lil Starmer bħala “kompliċi profondament fi stupri tal-massa bi skambju għal voti”.
L-istħarriġ wera li s-sid X – alleat mill-qrib ta’ Donald Trump li, wara li nefaq $250 miljun biex jgħinu jerġa’ jiġi elett, ġie inkarigat mill-president-elett tal-Istati Uniti biex jgħin inaqqas il-baġit federali.
L-uniċi eċċezzjonijiet favur Musk kienu fost il-votanti tal-AfD, li Musk iddeskriva bħala l-“unika xrara ta’ tama” għall-Ġermanja, u Reform UK, il-partit kontra l-immigrazzjoni mmexxi minn Nigel Farage li Musk allegatament ikkunsidra li jagħti donazzjoni ta’ $100 miljun.
Musk kien popolari unikament fost dawn il-votanti, b’70% tal-votanti tal-AfD qalu li kellhom opinjoni favorevoli tal-biljunarju meta mqabbla ma’ inqas minn 20% tal-partitarji tal-partiti ewlenin l-oħra tal-Ġrmanja.
