L-injury ta’ Sandro Tonali kienet l-uniku punt negattiv fir-rebħa tal-Italja fuq l-Albanija bl-iskor ta’ 3-1 meta eżatt qabel tmiem l-ewwel taqsima huwa nħareġ mill-ground fuq stretcher.
Din l-injury kemmxejn kerha seħħet meta Tonali ġie ffawljat minn Keidi Bare bil-konsegwenza li dar fl-ajru u niżel fuq rasu u spalltu. Il-midfielder ta’ Milan baqa’ mal-art hekk kif kien jinħtieġlu l-attenzjoni medika. Huwa ġie ssostitwit mill-player ta’ Torino, Samuele Ricci.
Huwa maħsub li dan il-player ta’ 22 sena se jdum barra mill-azzjoni għall-bosta ġimgħat iżda l-Ħamis se jsirulu aktar testijiet biex tiġi analizzata l-gravitá tal-injury.
Tonali kien qed jilgħab it-12-il partita għal pajjiżu wara li ddebutta f’Ottubru, 2019.
