Meta jonqos ftit jiem biss biex jitla s-siparju fuq il-festival tal-kanzunetta Ewropea, l-istazzjon televiżiv nazzjonali Irlandiż RTÉ talab lill-European Broadcasting Union (EBU) għal diskussjoni dwar l-inklużjoni tal-Iżrael fil-Eurovision Song Contest.
Id-direttur ġenerali ta’ RTÉ, Kevin Bakhurst, qal li huwa mwerwer bl-avvenimenti li għaddejjin fil-Lvant Nofsani u bl-impatt orribbli fuq nies ċivili f’Gaża, u d-destin tal-ostaġġi Iżraeljani. Bakhurst qal li RTÉ ried diskussjoni minkejja l-fatt li l-kriterju għall-parteċipazzjoni huwa s-sħubija fl-EBU.
Aktar qabel, Martin Green, id-direttur tal-Eurovision Song Contest qal li l-ebda membru parteċipanti tal-EBU ma oppona pubblikament il-parteċipazzjoni tal-istazzjon Iżraeljan Kan.
Nhar it-Tlieta, aktar minn 70 eks-kontestant tal-Eurovision, inkluż ir-rebbieħ tal-Irlanda tal-1994 Charlie McGettigan, iffirmaw ittra li tħeġġeġ lill-organizzaturi biex jipprojbixxu lill-Iżrael u lil Kan milli jipparteċipaw.
Membri tal-Unjoni Nazzjonali tal-Ġrnalisti (NUJ) f’RTÉ kienu kitbu wkoll RTÉ biex jopponi l-parteċipazzjoni ta’ Iżrael.
Fi stqarrija, id-direttur tal-Eurovision sostna li l-ebda xandar membru tal-EBU, li kollha ġew ikkonsultati b’mod wiesa’, ma oppona pubblikament il-parteċipazzjoni ta’ Iżrael fil-Eurovision Song Contest – minkejja t-talbiet f’ittra oħra mill-ġurnalisti RTÉ.
L-istazzjonijiet msemmija fl-ittra, RTVE fi Spanja u RTVSLO fis-Slovenja, talbu diskussjoni u RÚV tal-Iżlanda għarraf bil-kummenti tal-ministru għall-affarijiet barranin tagħhom dwar il-parteċipazzjoni ta’ Iżrael.
Martin Green qal li l-EBU ma kinitx “immuni għal avvenimenti globali” iżda l-membri flimkien għandhom jiżguraw li l-Eurovision Song Contest jibqa avveniment universali li jippromwovi konnessjonijiet, diversità u inklużjoni permezz tal-mużika.
Il-finali kbira tal-festival ta’ din is-sena se ssir f’St Jakobshalle, Basel, l-Isvizzera, is-Sibt 17 ta’ Mejju. Is-semifinali se jsiru nhar it-Tlieta 13 u l-Ħamis 15 ta’ Mejju. Sebgħa u tletin pajjiż se jieħdu sehem, b’10 jirbħu minn kull semi-finali.
Ħames pajjiżi – ir-Renju Unit, Spanja, il-Ġrmanja, Franza u l-Italja huma garantiti postijiet fil-finali, kif inhi l-Isvizzera li qed tospita l-festival.
