L-istadium tal-club ta’ Alianza, f’El Salvador, ingħata sospesjoni ta’ sena wara li nhar il-Ħadd li għadda, 12-il partitarju mietu mgħaffġa fl-istands.
Aktar minn 100 persuna weġġgħu serjament waqt l-inċident f’Cuscatlan Stadium li jinsab fil-belt kapitali, San Salvador.
Il-club se jkun sfurzat jilgħab il-logħob domestiku bil-bibien magħluqa għal sena, filwaqt li għandhom sal-21 ta’ Lulju biex iħallsu multa ta’ £24,000 imposta mill-Federazzjoni tal-Football Salvadorjan.
U Deportivo FAS se javvanzaw għas-semi-finali tal-kampjonat wara li ġew dikjarati rebbieħa ta’ 2-0.
Il-President ta’ El Salvador, Nayib Bukele, qal li se ssir “investigazzjoni bir-reqqa” wara din it-traġedja li setgħet ġiet evitata.
Inizjalment, l-awtoritajiet iddikjaraw li t-traġedja seħħet minħabba li partitarji ppruvaw jidħlu fl-istadium.
L-imsemmi inċident f’El Salvador seħħ wara li s-sena l-oħra attakk fatali qatel 135 spettatur fi stadium fil-Lvant ta’ Java, fl-Indoneżja, f’Ottubru.
Il-vittmi mietu mgħaffġa wara li ppruvaw jaħarbu mill-ground wara li l-pulizija sparaw gass tad-dmugħ fil-folla.
