Is-Segretarju tal-Istat Amerikan Antony Blinken sejjaħ għall-ħelsien tal-ġurnalist ta’ Wall Street Journal f’telefonata li kellu mal-kontroparti Russu tiegħu.
Il-Ministru tal-Affarijiet Barranin Russu Sergei Lavrov wieġeb billi qal li l-Istati Uniti m’għandhomx jipprovaw “ifixklu” jew jippolitiċizzaw l-arrest.
Evan Gershkovich kien arrestat il-Ġimgħa fuq akkużi ta’ spjunaġġ. Il-Wall Street Journal iżda ċaħad din l-akkuża.
Il-Ministru tal-Affarijiet Barranin Russu kkonferma l-Ħadd li għadda li s-Sur Lavrov u s-Sur Blinken iddiskutew l-arrest ta’ Gershkovich f’telefonata li nbdiet mill-Istati Uniti.
Ġie rrapportat li s-Sur Blinken wassal tħassib kbir dwar id-detenzjoni meqjusa bħala inaċċetabbli tar-Russja ta’ “ċittadin Amerikan”. Is-Sur Lavrov wieġeb billi tenna l-allegazzjonijiet tar-Russja li Gershkovich inqabad jipprova jikseb informazzjoni klassifikata u li l-każ tiegħu se jiġi trattat mill-Qrati Russi.
Lavrov wissa wkoll lill-uffiċjali u l-midja tal-Istati Uniti biex ma jiffavorixxux “isteriżmu” fl-arrest tal-ġurnalist. “Ġie enfasizzat li huwa inammissibbli għall-uffiċjali ta’ Washington u l-midja tal-massa tal-Punent li jqanqlu l-isteriżmu bil-għan li jagħtu laqta politika f’dan il-każ.”
Waqt it-telefonata, Blinken ħeġġeġ ukoll għall-ħelsien ta’ ċittadini Amerikani oħra miżmuma fir-Russja, inkluż l-eks uffiċjal tan-navy Amerikan Paul Whelan, li ilu wkoll miżmum fuq akkużi ta’ spjunaġġ għal aktar minn ħames snin.
Gershkovich ta’ 31 sena huwa korrispondent magħruf f’Moska. Il-Wall Street Journal tilef kull kuntatt miegħu nhar l-Erbgħa waranofsinhar u wara li ġie żvelat li kien arrestat mis-serviz tas-sigurta tal-FSB tar-Russja.
