L-istilla Amerikana tal-futbol Megan Rapinoe ħeġġet lill-awtoritajiet tal-futbol biex jużaw ir-rivelazzjonijiet “tal-biża’” ta’ abbuż sesswali u kondotta ħażina fil-logħob domestiku Amerikan tan-nisa bħala katalist għall-bidla.
Rapport ippubblikat mill-eks avukat ġenerali Amerikan Sally Yates aktar kmieni din il-ġimgħa kien fih diversi allegazzjonijiet ta’ mġiba abbużiva minn kowċis tat-timijiet fin-National Women’s Soccer League (NWSL).
Aktar minn 200 plejer tal-NWSL — ħafna minnhom membri ta’ timijiet nazzjonali tal-Istati Uniti — ġew intervistati minn Yates u rrakkontaw dwar xejriet dettaljati ta’ abbuż inkluż manipulazzjoni.
