Il-Malta Football Association tinforma li se tkun qed tqabbad Spettur tad-Dixxiplina biex jinvestiga l-inċidenti deplorabbli li seħħew fl-ahhar tal-partita bejn Zabbar St Patrick u Mosta mill-Kampjonat 360 Sports Malta Premier.
Il-Malta Football Association mhu se tħalli lil ħadd jgħarraq l-immaġni tal-futbol lokali u l-pjaċir tal-partitarji ġenwini li jikkomportaw rwieħhom tajjeb. L-Assoċjazzjoni se tkun ukoll qed tanalizza l-organizzazzzjoni u l-pjan ta’ sigurtá tal-organizzaturi tal-partita in kwistjoni sabiex tiżgura li kollox kien konformi mar-regolamenti tas-saħħa u sigurtá.
