Senegal …… 0
Olanda ……..2
L-Olanda għelbu lis-Senegal bl-iskor ta’ 2-0 b’żewġ goals lejn it-tmiem.
Fl-ewwel taqsima, l-Olandiżi kienu l-aħjar team u ma ħadux iċ-ċansijiet li ħolqu huma stess b’Cody Gakpo, Steven Bergwijn u Frenkie De Jong kienu ħatja li ma fetħux l-iskor.
Min-naħa tas-Senegaliżi, dawn ħassew in-nuqqas tal- imweġġa’ Sadio Mane fejn bdew jaslu sa tliet kwarti ta’ ground u ma kienx hemm dak il-player biex ikompli l-kostruzzjoni offensiva biex rari ndirizzaw xutt lejn il-lasti avversarji. Peró jekk kien hemm player li seta’ jagħmel xi ħsara kien Ismaila Sarr.
Fit-tieni taqsima, il-partita baqgħet fuq l-istess ritmu, bl-Olandiżi jgawdu l-pussess tal-ballun u bis-Senegaliżi joperaw bil-kontrattakki.
U bil-partita kienet tidher li se tintemm fi draw, fl-84 minuta, De Jong xeħet cross lejn CODY GAKPO li antiċipa l-ħarġa tal-goalkeeper Edouardo Mendy, b’daqqa ta’ ras b’lura bil-ballun jintemm fix-xibka.
U proprju fit-98 minuta, huma aċċertaw mir-rebħa meta Mendy ma żammx ix-xutt ta’ Memphis Depay biex Davy Klaassen kien pront u tefa’ fix-xibka.
Senegal: Edouard Mendy, Abdou Diallo (Ismail Jakobs 62), Pape Abou Cisse, Kalidou Koulibaly, Youssouf Sabaly, Cheikou Kouyate (Pape Gueye 74), Idrissa Gueye, Nampalys Mendy, Ismaila Sarr, Boulaye Dia (Bamba Dieng 69), Krepin Diatta (Nicolas Jackson 74) – Coach: Aliou Cisse
Olanda: Andries Noppert, Daley Blind, Nathan Ake, Virgil van Dijk, Matthijs de Ligt, Denzel Dumfries, Cody Gakpo (Marten de Roon 92), Frenkie de Jong, Steven Berghuis (Teun Koopmeiners 79), Steven Bergwijn (Davy Klaassen 79), Vincent Janssen (Memphis Depay 62) – Coach: Louis van Gaal
Referee: Wilton Sampaio (Brażil)
Assistenti: Bruno Boschilia, Bruno Raphael Pires (Brażil)
Ammoniti: M. De Ligt (O); I. Gueye 92, N. Mendy 94 (S)
