Wara li għall-ħabta ta’ 12.19pm ajruplan żgħir kien involut f’inċident fuq ir-runway, issa s-sitwazzjoni reġgħet ġiet lura għan-normal u t-titjiriet kollha qegħdin jitilgħu u jinżlu fl-ajruport.
Fi stqarrija l-MIA qal li l-ħaddiema tat-tifi tan-nar u tas-salvataġġ kienu fuq il-post fi ftit minuti fejn ġie assigurat li ħadd ma weġġa’ f’dan l-inċident.
Fl-ajruport filwaqt li skuża ruħu għal kull inkonvejnt li seta’ nħoloq, fi stqarrija qal li l-ewwel u qabel kollox tiġi s-sigurtà tal-passiġġieri u l-ħaddiema.
