L-Oppożizzjoni ċediet u kienet kostretta tagħti raġun lill-Gvern wara li kienet ilha tkaxkar saqajha għal ġimgħat sħaħ mingħajr ma tagħti risposta fuq il-persuna nominata tal-Gvern għall-kariga ta’ Prim Imħallef.
Wieħed japprezza li l-Kap tal-Oppożizzjoni żamm lill-pajjiż sal-aħħar minuta mdendel bir-riperkussjonijiet kollha li seta’ daħħal il-pajjiż fihom f’settur tant importanti għad-demokrazija tal-pajjiż.
Li kieku webbes rasu u ma riedx li jsir vot, għada l-pajjiż ma kienx ikollu Prim Imħallef. Dak li ilu jevita, il-Kap tal-Oppożizzjoni issa se jkollu jaffaċċjah. Wieħed jittama li fl-interess nazzjonali ma jħalli lil ħadd imexxih.