Il-Ministru Edward Zammit Lewis għamel referenza għall-bżonn ta’ bini ġdid tal-Qorti li qiegħed isir żgħir kif indikat mid-Deputat Nazzjonalista Joe Ellis aktar qabel. Il-Ministru qal li binja ġdida se tkun qiegħda tinkludi 25 uffiċċju ġdid u erba’ awli ġodda f’binja strateġikament importanti. Huwa qal li din hija sfida li jeħtieġ tiġi indirizzata kemm jista’ jkun malajr.
Huwa qal li l-Oppożizzjoni ma jistgħux jistennew li fi 18-il xahar jibni binja ġdida wara 40 sena u anke meta sptar ġdid taħt amministrazzjoni Nazzjonalista ħa 18-il sena biex inbena.
Il-Ministru Edward Zammit Lewis qal li bħala avukat dejjem tgħallem li ma tistax tfaħħar il-qorti meta terbaħ kawża biss u għalhekk l-Oppożizzjoni ma tistax tfaħħar l-istituzzjonijiet meta jaqbel lilha biss.
