L-UE tinsab għaddejja b’ħidma fuq tfassil ta’ regoli ġodda sabiex iżżid il-batteriji riċiklati. Dan isegwi l-proposta maħruġa mil-Kummissjoni Ewropea.
Dawn ir-regoli ser jindirizzaw kemm il-batteriji tal-karozzi kif ukoll dawk li jintużaw f’appartat teknoloġiku.
Sal-2030 huwa stmat fit-toroq Ewropej se jkun hawn mat-30 miljun karozza jaħdmu bil-batterija.
Intant, bosta Membri Parlamentari Ewropej irrimarkaw li jridu li tiżdied kategorija oħra, dik ta’ batteriji għal trasport bħal e-bikes u e-scooters.
Ir-riċerka turi li madwar id-dinja l-użu tal-batteriji mistenni jiżdied b’14-il darba sal-2030, b’17% tagħhom se jkun fl-UE.
Lura fl-2019 kien stmat li 51% tal-batteriji ‘portable’ mibjugħa fl-UE ġew miġbura lura għar-riċiklaġġ. Il-mira hija li l-batteriji riċiklati jiżdiedu għal 63% sal-2027 u 73% sal-2030.
Dwar il-batteriji wżati fit-trasport il-mira hija li sal-2028 jiġu riċiklati 51% bil-mira li jitilgħu għal 61% sal-2031.
Il-Parlament Ewropew qed jaħdmu fuq metodu aktar faċli fejn l-batteriji jitneħħew mill-apparat li jkunu fih. Dan il-metodu mistenni li jsir wieħed obbligatorju 3 snin u nofs wara li jidħlu fis-seħħ ir-regolamenti.
