Aktar kmieni llum, għall-ħabta tas-1:45 p.m., fl-uffiċini ta’ Transport Malta f’Raħal Ġdid żviluppaw xi nirien u konsegwentament kellhom jiġu evakwati l-istess uffiċini.
Dan is-sit jinsab infurmat li fortunatament in-nirien ġew kontrollati fi ftit ħin iżda fil-post xorta ssejħu diversi pumpiera mid-Dipartiment tal-Protezzjoni Ċivili.
L-investigazzjonijiet tal-Pulizija b’rabta ma’ dan il-każ għadhom għaddejjin.
