La Liga qed tippjana li tieħu azzjoni legali kontra Manchester City u Paris Saint-Germain talli ‘kontinwament qed jiksru r-regolamenti attwali tal-fair play finanzjarju.’
Il-President tal-LaLiga Javier Tebas tkellem ta’ spiss kontra l-infiq ta’ Man City u PSG u l-kampjonat Spanjol issa lest li jressaq l-ilmenti tiegħu fil-qrati tal-Unjoni Ewropea.
Ħafna mill-għadab tiegħu reġgħet tfaċċa wara li Manchester City issiġillaw ftehim ta’ £51 miljun għal Erling Haaland u PSG żammew is-servizzi ta’ Kylian Mbappe b’kuntratt ta’ tliet snin li jiswa £650,000 fil-ġimgħa.
Bħala riżultat tal-ftehim il-ġdid ta’ Mbappe, Tebas u l-LaLiga ressqu ilment kontra PSG mal-UEFA din il-ġimgħa, li ngħaqad mal-ilment tal-kampjonat kontra Man City f’April li għadda.
Aktar kmieni dan ix-xahar Tebas akkuża lil PSG li kienu ‘qerdu l-eko-sistema tal-football Ewropew’ wara li Kylian Mbappe, li kien mistenni li jiffirma ma’ Real Madrid bi free transfer, qabel ma’ ftehim ta’ tliet snin ta’ £650,000 fil-ġimgħa u li jibqa’ ma’ PSG.