Real Madrid saħħew posthom fil-quċċata tal-klassifika tal-Kampjonat Spanjol meta barra minn darhom għelbu lil Elche bl-iskor ta’ 3-0 … u dan minbarra li kellhom tliet goals imħassra li waslu tnejn minn Karim Benzema u l-ieħor minn David Alaba.
Peró l-iskor ma jagħtix stampa ċara tal-andament tal-logħba minħabba li Elche kellhom bosta opportunitajiet ta’ skor iżda sabu lill-goalkeeper Andriy Lunin f’burdata mill-aqwa.
It-tliet goals waslu minn Francisco Valverde (11), Karim Benzema (75) u Marco Asensio (89).
B’din ir-rebħa issa l-Madrileni għandhom vantaġġ ta’ sitt punti fuq Barcelona li proprju fi tmiem il-ġimgħa għelbuhom bl-iskor ta’ 3-1.