Fil-Kampjonat Spanjol, Real Madrid marru għand Osasuna u ħarġu rebbieħa bl-iskor ta’ 2-0 biex naqqsu d-distakk għal ħames punti fil-konfront tal-leaders Barcelona li jridu jirkupraw partita fejn il-Ħadd jilqgħu lil Cadiz.
Iż-żewġ goals waslu lejn l-aħħar parti tat-tieni taqsima.
Kien Federico Valverde li fetaħ l-iskor fit-78 minuta li kkonkluda mill-pass ta’ Vinicius Junior biex fit-tieni minuta tal-ħin miżjud, Marco Asensio, issiġilla r-rebħa wara li rċieva mingħand Alvaro Rodríguez.
