Barcelona ħabbru li bdew it-taħditiet mal-aġent tal-plejer Jorge Mendes sabiex l-attakkant internazzjonali Spanjol Lamine Yamal iġedded iż-żmien tiegħu fil-Katalunja. Il-kuntratt eżistenti ta’ Yamal jiskadi f’Ġunju 2026 iżda hemm ir-rieda miż-żewġ partijiet li jiġġedded il-ftehim. L-għan hu li jkun hemm estensjoni sa Ġunju 2030 fejn ovvjament ikun hemm żieda fis-salarju.
Yamal għandu 17-il sena u lagħab 61 logħba ma’ Barcelona filwaqt li skorja 10 gowls.