Lazio jinsabu interessati fil-plejer ta’ nofs il-grawnd ta’ Napoli Piotr Zielinski. Kien il-kowċ tal-Biancocelesti Maurizio Sarri li ta parir lid-diriġenti tiegħu sabiex imorru għal dan il-plejer Pollakk.
Fil-fatt, din tista’ wkoll tkun okkażjoni sabiex il-kowċ veteran ta’ Lazio jerġa’ jikkowċja lil Zielinski wara l-perjodu li kien għamel ma’ Napoli.
Zielinski jista’ jkun il-plejer li Lazio qed ifittxu. Hu għandu 29 sena u ilu mal-Partenopei sa mis-sena 2016 fejn skorja 34 gowl f’253 partita.
