Lazio għadhom kemm akkwistaw il-firma tal-attakkant Gustav Isaksen mingħand Midtjylland. Dawn tal-aħħar se jdaħħlu s-somma ta’ €10 miljun hekk kif Lazio għalqu dan it-trasferiment ilbieraħ filgħodu.
Isaksen għandu 21 sena u jilgħab fin-naħa leminija tal-grawnd apparti li jagħti sehmu fl-attakk. Dan kien it-tieni akkwist notevoli li għamlu t-tim mill-belt kapitali Taljana wara Valentin Castellano.
Il-kowċ ta’ Lazio Maurizio Sarri kien ferm kuntent b’dan l-akkwist hekk kif se jsaħħaħ l-iskwadra li se tikkompeti fil-UEFA Champions League tal-istaġun li ġej.
