Claudio Lotito u Lazio ċaħdu b’mod kategoriku l-aħbarijiet li dehru fl-aħħar sigħat dwar interess minn fondi barranin biex jixtru l-maġġoranza tal-klabb. Lotito spjega li ma waslet l-ebda proposta fuq il-mejda u li dawn ix-xnigħat huma maħluqa biex ineħħu l-istabbilta’ fl-ambjent tal-Lazio.
Fi stqarrija uffiċjali, il-klabb saħaq li l-informazzjoni hija kompletament falza, ma teżisti l-ebda offerta jew interess minn fondi, u li ttieħdu passi mal-awtoritajiet biex jiġi identifikat min qiegħed jxandar dawn l-aħbarijiet foloz.