Lazio jinsabu interessati li jiksbu l-firma tal-plejer ta’ Borussia Dortmund Donyell Malen. Dan hu plejer ta’ nazzjonalita’ Olandiża ta’ 24 sena li ilu mat-tim Ġermaniż sa mis-sena 2021 fejn spikka ferm fl-attakk. Fil-fatt hu skorja 14-il gowl fi 53 dehra mal-klabb.
Il-kowċ ta’ Lazio Maurizio Sarri avża lid-diriġenti tiegħu sabiex iġibulu lil dan il-plejer li jidher li għandu futur ferm sabiħ quddiemu. Fil-passat hu lagħab ukoll ma’ PSV Eindhoven.
