Leeds United iffinalizzaw l-akkwist tal-winger Luis Sinisterra mingħand Feyenoord b’kuntratt ta’ ħames snin, suġġett għal approvazzjoni internazzjonali u permess tax-xogħol.
Il-player internazzjonali tal-Kolombja ta’ 23 sena ingħaqad mal-club minn Elland Road għal ħlas mhux żvelat, iżda li hu maħsub li huwa ta’ madwar €25m flimkien ma’ bonuses.
B’hekk, Sinisterra, sar is-sitt akkwist tal-manager Jesse Marsch fis-suq tat-trasferimenti tas-sajf wara Brenden Aaronson, Rasmus Kristensen, Marc Roca, Darko Gyabi u Tyler Adams, b’dan tal-aħħar jingħaqad mal-Whites mingħand RB Leipzig nhar l-Erbgħa li għadda.
