Leeds United m’għandhom l-ebda intenzjoni li jbiegħu lill-winger, Raphinha, fit-tieqa tat-trasferimenti ta’ dan ix-xahar, fost interess minn West Ham United.
Il-Hammers riċentement bdew jitqiesu bħala wieħed minn diversi clubs li kienu qed isegwu mill-qrib lill-player ta’ 25 sena, li għandu kuntratt sa Ġunju 2024.
Raphinha ilha player li jispikka għal leeds minn meta ngħaqad mal-Whites mingħand Rennes fis-sajf tal-2020, fejn sab ix-xibka 14-il darba u rreġistra 11-il assist f’51 dehra fil-kompetizzjonijiet kollha.
West Ham kienu lesti li jressqu offerta rekord tal-club biex jiffirmaw lil Raphinha; madankollu, Leeds huma sodi li l-internazzjonali Brażiljan mhux se jkun qed jinbiegħ f’Jannar.
Wieħed għad irid jara jekk il-Hammers humiex se jirritornaw b’offerta mtejba, bil-manager David Moyes ħerqan biex jakkwsita player li jattakka qabel l-iskadenza tat-Tnejn fil-11pm.
Michail Antonio bħalissa huwa l-uniku numru disgħa rikonoxxut għad-dispożizzjoni ta’ Moyes, u għalkemm Raphinha għandu t-tendenza li jopera fuq il-lemin, l-Iskoċċiż jemmen li jista’ jilgħab f’numru ta’ rwoli ta’ attakk, b’mod simili għal Jarrod Bowen.
West Ham ġew marbuta wkoll ma’ Dominic Calvert-Lewin ta’ Everton, Ben Brereton Diaz ta’ Blackburn Rovers, Patrick Schick ta’ Bayer Leverkusen u Hugo Ekitike ta’ Reims.
