Leeds United u Southampton huma interessati li jiffirmaw lill-midfielder ta’ Manchester United, James Garner, matul it-tieqa tat-trasferimenti ta’ dan is-sajf.
Iż-żagħżugħ ta’ 20 sena kien f’forma impressjonanti misluf ma’ Nottingham Forest dan l-istaġun, fejn skorja tliet goals u rreġistra erba’ assists fi 32 dehra fil-kompetizzjonijiet kollha.
Huwa mifhum li Garner għandu jirritorna f’Old Trafford dan is-sajf, u kien hemm pretensjonijiet u suġġerimenti li huwa tabilħaqq jista’ jkun parti mill-iskwadra tal-ewwel team ta’ Manchester United fl-istaġun li ġej.
Madankollu, jidher li Leeds u Southampton it-tnejn qed jippjanaw li jagħmlu passi għalih fis-suq li ġej.
Jidher li Nottingham Forest huma wkoll ħerqana li jakkwistaw il-firma tiegħu fuq bażi permanenti, iżda r-Reds ikollhom jiġu promossi biex ikollhom iċ-ċans li jassiguraw is-servizzi tiegħu.
Garner, li għad fadallu aktar minn sentejn fil-kuntratt tiegħu mal-club minn Old Trafford, għamel seba’ dehriet fl-ewwel team ta’ Manchester United fil-kompetizzjonijiet kollha.
