Leicester City akkwistaw is-servizzi tad-difensur ċentrali Woyo Coulibaly mingħand Parma. Proprju ilbieraħ il-plejer iffirma l-kuntratt il-ġdid tiegħu u ġie jiswa madwar tliet miljun lira sterlina. Coulibaly hu plejer Franċiż ta’ 25 sena li fil-karriera tiegħu lagħab ukoll ma’ Le Havre. Hu kien ilu ma’ Parma sa mis-sena 2021 u lagħab 82 darba filwaqt li skorja gowl wieħed biss.
Valencia jakkwistaw lil Max Aarons b’self
It-tim minn La Liga Spanjola Valencia ikkonfermaw li kisbu s-servizzi tal-istilla ta’ Bournemouth Max Aarons. Dan il-plejer għandu 25 sena u se jmur jilgħab fil-belt tan-naħa t’isfel ta’ Spanja fuq bażi ta’ self. Hu kien ilu ma’ Bournemouth sa mis-sena 2023 iżda lagħab biss 23 darba filwaqt li ma skorja l-ebda gowl.
Fil-passat hu deher ukoll bil-flokkijiet ta’ Norwich City u Luton Town.
