Leicester City qed iħejju biex jidħlu f’taqtiegħa ma’ Manchester United u Juventus għall-firma tal-midfielder ta’ Borussia Monchengladbach, Kouadio Kone, dan is-sajf.
Il-Foxes qed jiġu marbuta ma’ għadd ta’ miri potenzjali ta’ midfielder ċentrali qabel is-suq tat-trasferimenti tas-sajf, b’Youri Tielemans mistenni li jħalli l-King Power Stadium dan is-sajf fost ix-xnigħat li jista’ jingħaqad ma’ Arsenal.
Qed jingħad ukoll li Hamza Choudhury ma jinsabx fil-pjanijiet tal-manager Brendan Rodgers, filwaqt li l-akkwist tas-sajf li għadda Boubakary Soumare qed jiffaċċja futur inċert fil-club mill-East Midlands.
