Minkejja li ċ-champions u leaders ta’ Ligue 1, Paris St-Germain, għelbu lil Montpellier 3-1 barra minn darhom, għall-attakkant Kylian Mbappe kienet lejla li jrid jinsa kemm jista’ jkun malajr.
L-attakkant ta’ Franza falla żewġ penalties u mir-rebound tat-tieni wieħed għolla mas-sema ċans faċli waqt li spiċċa mweġġa’ tant li kellu jħalli l-ground wara biss 21 minuta. L-ewwel penalty ġie salvat iżda reġa’ ingħata fejn din id-darba laqat il-lasta u mir-rebound tefa’ għoli b’lasti vojta.
Kien Fabian Ruiz (55) li fetaħ l-iskor għal PSG u goals oħra minn Lionel Messi (72) u Warren Zaire-Emery (92) għamluhom tlieta waqt li Arnaud Nordin (89) wieħeb għat-telliefa.
Ir-rebħa tara lill-Pariġini jiftħu vantaġġ ta’ ħames punti fil-quċċata tal-klassifika.
