Bħalissa d-difensur internazzjonali Taljan Leonardo Bonucci donnu ddikjara gwerra lejn il-klabb tiegħu Juventus wara li d-diriġenti Bianconeri ħallewh barra mill-iskwadra għall-istaġun li ġej.
Jidher li l-kowċ Massimiliano Allegri mhux beħsiebu juża’ lil dan id-difensur veteran u hu għalhekk li tħalla barra mill-ewwel għażla tiegħu.
Min-naħa tiegħu, Bonucci sostna li dan kollu mhux sew minkejja li l-klabb tiegħu qed jisħaq li din hi purament għażla teknika tal-kowċ. Il-probabbilta’ hi dik li jinħall mill-kuntratt li għandu u jqatta’ l-aħħar xhur tal-karriera tiegħu ma’ xi klabb ieħor.
Bonucci b’kollox lagħab 502 partita ma’ Juventus u skorja 35 gowl.
