Id-difensur ta’ Juventus Leonardo Bonucci kien qed jitkellem f’intervista ma’ programm televiżiv Taljan fejn stqarr li għad fadallu xewqa li jirbaħ l-UEFA Champions League mal-Bianconeri.
“Naf li m’għadnix żgħir iżda nixtieq nirbaħ din il-kompetizzjoni mat-tim tant għal qalbi.”
Bonucci sostna li jekk ġaladarba ma jirnexxielux jieħu din it-tazza bħala plejer, jixtieq jipprova xortih bħala kowċ.
Ħafna bħal donnhom irredikolaw dawn id-dikjarazzjonijiet ta’ Bonucci li riesaq lejn tmiem il-karriera tiegħu.
Hu lagħab aktar minn 300 logħba mal-Bianconeri u skorja 25 gowl.
