Minn Cristian Muscat
Kif bdiet l-imħabba tiegħek lejn l-atletika?
Minn dejjem kelli passjoni lejn l-isport u l-atletika peró saret ħaġa prominenti f’ħajti
meta kont qed inbati bi slip disc. Kont qed inkun muġugħa ħafna u allura bit-taħriġ li kont qed nagħmel, l-uġigħ beda jonqos. Il-kowċ tiegħi kien għenni billi tani ispirazzjoni li kollox kien possibli billi nkun konsistenti u ma naqtax qalbi.
Għaliex għażilt proprju l-OCR?
Jien pruvajt ħafna sports differenti imma l-OCR laqatni ħabba l-isfida mentalment u
fisikament. Wara kull tellieqa, inħossni sodisfatta li nkun tajt ħilti kollha.
X’tikkummenta fuq l-iżvilupp tal-OCR f’pajjiżna?
Sfortunatament, l-OCR f’Malta mhux poploari daqs kemm hu barra minn xtutna. Il-kelma
dwar l-OCR mhix mifruxa kemm suppost f’pajjiżna. Issa ġie introdott sport ġdid li qed
ikompli jneħħi mill-ftit attenzjoni li jieħu l-OCR.
Kif tiddeskrivi l-istil ta’ ħajja tiegħek?
Jien omm, għandi tifel, u għandi xogħol full-time ukoll. Inħobb inħeġġeġ lin-nies biex
ikunu attivi u dejjem isibu ħin għalihom infushom. Ma jimpurtax kemm inkunu impenjati
bil-ħajja ta’ kuljum, ngħixu darba u s-saħħa tagħna għandha tkun il-prijorità tagħna,
mhux biss id-dehra fiżika iżda s-saħħa mentali wkoll!
Naf li fil-jiem li għaddew, irnexxielek tikseb unur partikolari. Agħtina iktar dettalji.
Iva, fil-fatt ikkwalifikajt fil-Women’s Pro għall-Kampjonati tad-Dinja f’Chicago. Ġejna fl-ewwel post overall f’Turin.
Taħseb li l-media tal-isport f’pajjiżna tagħti biżżejjed pubbiċitá lill-OCR?
Il-media tal-isport f’pajjiżna ma turi l-ebda interess lejn l-OCR, u ma tgħinx biex tifrex lisport lejn udjenza ġdida. Din hija sitwazzjoni li hija skoraġġanti ħafna għalina l-atleti.
X’inhi l-ħolma tiegħek f’dan l-isport li tant tħobb?
Irnexxieli nsir Champion Ewropea u allura issa qed nimmira li nsir Champion tad-Dinja.
Dejjem nimmira li nġib riżultat aħjar mit-tiġrija ta’ qabel.
X’kompetizzjonijiet se tkun qed tieħu sehem fihom fil-futur qrib?
Din is-sena għandi l-unur li se nieħu sehem u nikkompeti bħala atleta professjonali fi
Spartan Croatia, Slovenia u Malta kif ukoll fl-OCR World Championship li se jsir fil-Belġju.
Huwa ta’ unur kbir għalija li se nkun qed nikkompeti fil-kategorija tal-atleti professjonali
u qed nimmira li nitla’ fuq il-podju, kif ukoll se nkun qed nikkompeti f’iktar kompetizjonijiet ta’ Hyrox. Bir-riżultat pożittiv li rnexxieli nġib Hyrox Marseille kkwalifikajt għal Hyrox Pro f’Chicago, l-Istati Uniti, u qed nipprova nirranġa mod biex inkun nista’ nieħu din l-opportunitá li mmur nieħu sehem u nikkompeti barra mill-Ewropa.
Għaddi messaġġ finali lil min bħalek jixtieq jagħmel karriera ta’ suċċess fl-atletika.
L-iktar ħaġa importanti hu li dan qiegħed tagħmlu għax vera tixtieq qalbek u biex dejjem
tieħu gost. Li tikkommeti ruħek u tkun konsistenti huwa l-mod li bih tikseb l-unuri u
tippersisti biex tilħaq l-aktar livell għoli għalik!
