Żagħżugħ liebes kostum ta’ Joker wettaq attakk b’sikkina fuq ferrovija f’Tokyo ftit qabel qabbad in-nar fl-istess ferrovija.
Passiġġieri fl-istazzjon ta’ Kokuryo dehru jiġru bil-biża’ hekk kif l-aggressur deher ixerred likwidu li jieħu n-nar fil-ferrovija u jagħtiha n-nar.
Skont il-midja Ġappuniża, minn tal-anqas 10 passiġġieri indarbu, inkluż raġel ta’ madwar 60 sena li jinsab f’qagħda kritika.
Is-suspettat huwa żagħżugħ ta’ 24 sena li kien arrestat fil-post u li qiegħed jiġi investigat fuq attentat ta’ qtil.
Rapporti fil-midja ddeskrivew liż-żagħżugħ bħala wieħed li baqa’ kalm sieq fuq sieq ipejjep sigaret qalb il-konfużjoni li qamet fuq il-ferrovija.
