Filwaqt li pajjiżna jinsab mehdi fit-tħejjijiet finali għall-festa tal-imħabba u l-ugwaljanza, il-Europride 2023, il-protesti kontra l-persuni LGBT fl-Istati Uniti żdiedu bi 30 darba s-sena li għaddiet meta mqabbla mal-2017, filwaqt li l-passi legali biex jirrestrinġu d-drittijiet LGBT qed jiżdiedu.
Fil-fatt, il-Kanada f’dawn l-aħħar jiem ħarġet twissija ġdida dwar l-ivvjaġġar liċ-ċittadini LGBT tagħha li qed jippjanaw li jżuru l-Istati Uniti. Ma dawn it-twissijiet ingħadet ukoll il-Global Affairs Canada li wissiet li xi liġijiet statali jistgħu jaffettwawhom fuq il-vjaġġi tagħhom, iżda ma speċifikatx fejn. Xi stati Amerikani għaddew liġijiet u politiki li jistgħu jaffettwaw persuni LGBTQI+.
Dawn it-twissijiet huma ġeneralment riżervati għal pajjiżi bħall-Uganda, ir-Russja jew l-Eġittu. Iżda Globali Kanada rrimarkat li l-liġijiet tal-Istati Uniti jimmiraw il-komunità transġeneru. It-terminu LGBTQI+ huwa wżat ħafna fil-Kanada għal nies li jqisu lilhom infushom lesbjani, omosesswali, bisesswali, transġeneru, queer, jew intersesswali.
Sa mill-bidu tal-2023, ċerti stati Amerikani għaddew liġijiet li jipprojbixxu d-‘drag shows’ u jirrestrinġu l-komunità transġeneru mill-aċċess għal kura li tafferma l-ġeneru u mill-parteċipazzjoni f’avvenimenti sportivi.
F’Marzu, il-gvernatur taʼ Tennessee Bill Lee ffirma liġijiet severi li jipprojbixxu ‘drag shows’ quddiem it-tfal, mhux biss imma wkoll liġijiet oħra li jirrestrinġu t-trattament mediku għal żgħażagħ transġeneru.
Xahrejn wara, il-Gvernatur ta’ Florida Ron DeSantis, li huwa kontendur għall-presidenza tal-Istati Uniti fl-2024, iffirma abbozzi ta’ liġi li jipprojbixxu lit-tfal milli jagħmlu trattamenti mediċi transġeneri jew li jmorru għal drag shows.
Ġew proposti mijiet ta’ regolamenti simili dwar kwistjonijiet LGBT fi stati oħra li huma mmexxija mill-konservattivi madwar l-Istati Uniti.
Il-Kampanja tad-Drittijiet tal-Bniedem, l-akbar grupp ta’ promozzjoni tal-komunità LGBT fl-Istati Uniti, f’Ġunju li għadda qalet li l-persuni Amerikani LGBT kienu qed jiffaċċjaw stat ta’ emerġenza hekk kif l-istati qed ikomplu jattakkawhom b’leġiżlazzjoni.
Nhar it-Tnejn, tpinġija ma ħajt fi Florida ddedikata lill-ġurnalista Irlandiża Lyra McKee, li nqatlet b’tiri ta’ arma fl-2019, ġie mħassar bi swastika u graffiti kontra l-LGBT.
Id-Deputat prim ministru tal-Kanada, Chrystia Freeland, qalet lill-ġurnalisti li fil-Kanada Atlantika l-gvern impjega esperti “biex iħares bir-reqqa madwar id-dinja u biex jimmonitorja jekk hemmx perikli partikolari għal gruppi partikolari ta’ Kanadiżi”. Hija rrifjutat li tikkummenta meta mistoqsija jekk kienx hemm diskussjonijiet mal-gvern Amerikan qabel ma għamlet il-bidla.
