“Konna noqogħdu f’istess karrejja. Ġiġa, omm Twannie kienet toqgħod fuqna meta ġara d-delitt ta’ Twannie. Hu ma’ tantx kien joħroġ barra imma oħtu Carmen kienet dejjem tilgħab iż-żibeġ magħna. Wara dak id-delitt, sfratta kollox. Madwar ħamsin sena ilu sifirt. Niġi Malta darbtejn fis-sena, u sal-ġurnata ta’ llum, kull sena nżur il-qabar ta’ Twannie . Qatt ma nsejtu, u qatt ma ninsieh”.
Dan tiddikjarah Rose, li kienet ġara ta’ din il-familja, meta 64 seħħet it-traġedja ta’ Twannie, li xxukkjat lil Malta. Kien proprju bħal lum proprju 64 sena ilu, metą ħarġet l-aħbar li Twannie Aquilina, tifel ta’ 8 snin instab maqtul fid-dar tal-ġenituri tiegħu.
Delitt li għadu joħloq kontroversja sal-lum. L-avukat Malti Awstraljan, Carmel Chetcuti, li kien jgħix fil-viċinanzi, kien ijiddikjara ukoll li għadu ta’ kull darba meta jiġi Malta, jgħaddi mill-post fejn inqatel.
It-tifel instab f’għadira demm. Għonqu kien imħanxar b’sikkina tal-ħobż, tant li rasu kienet kważi se tinqata’ barra. Is-suspettati kienu primarjament ommu stess, Luigia Camilleri, magħrufa bħala Ġiġa, u zewgha Leli.
Dan id-delitt hemm ħafna kontroversji dwar. Hemm min iqisu bħala każ bħala konkluż. Dawn jemmnu li kienu Ġiġa u Leli li qatlu lit-tifel. Hemm oħrajn imma li jemmnu li weħlu l-ħabs nies innoċenti.
Ġiġa minn dejjem ċaħdet l-akkużi iżda hi kienet nstabet ħatja, flimkien mar-raġel tagħha Leli, tal-mewt ta’ binha. Leli ngħata sentenza ta’ 20 sena priġunerija b’xogħol iebes filwaqt li Ġiġa ngħatat il-piena kapitali. Però, l-piena ta’ Ġiġa ġiet appellata u nbidlet biex tingħata sentenza ta’ priġunerija għal għomorha.
Huma diversi dawk li f’xi saram, jitolbu lil Twannie Aquilina, li jqisuh bħala “tfajjel qaddis”. Huma diversi dawk li meta jkunu fiċ-ċimiterju tal-Addolorata imorru jżuru l-qabar tiegħu.
M’hemm ebda dubju li dan il-każ kien ixxokkja lil Malta u ħafna li dakinhar kienu żgħar fl-età jew tfal għadhom jiftakru sewwa dan il-każ. Kumment li ntbagħat lilna kien ta’ tifel li missieru kellu ħanut fejn jiftakar lil ħuh jaqra x’ġara mill-gazzetta lill-parruċċani.
