Lionel Messi kiser ir-rekord ta’ Pele għall-akbar ammont ta’ goals minn player tal-football tal-Amerika t’Isfel b’hat-trick fir-rebħa ta’ 3-0 f’partita ta’ kwalifikazzjoni tat-Tazza tad-Dinja li l-Arġentina kisbet fuq il-Bolivja nhar il-Ħamis filgħaxija.
Messi skorja l-goals kollha ta’ pajjiżu f’din ir-rebħa fi Buenos Aires, u b’hekk tella’ t-total tiegħu għal 79 goal għall-Arġentina biex għeleb lil Pele tal-Brażil li skorja 77 goal.
Quddiem 20,000 partitarju fl-Istadium Monumentali, Messi laħaq ir-rekord ta’ Pele meta fetaħ l-iskor fl-14-il minuta b’xutt minn barra l-kaxxa.
Huwa kiser ir-rekord billi qabeż difensur għat-tieni goal tiegħu fl-64 minuta, u żied it-tielet goal tiegħu minn rebound żewġ minuti mit-tmiem.
Il-player ta’ 34 sena ċċelebra wara l-partita bit-trofew tal-Copa America, wara li wassal lill-Arġentina għall-ewwel titlu maġġuri tiegħu ma’ pajjiżu f’Lulju b’rebħa fuq il-Brażil fil-finali.
Sieħeb tat-team ta’ Messi ma’ Paris St Germain Neymar jinsab fit-tielet post fil-lista tal-aqwa skorers tal-Amerika t’Isfel bi 68 goal.
