L-attakkant ta’ Paris Saint-Germain Lionel Messi jista’ jkun barra mil-logħob għal ftit ġimgħat minħabba injury f’irkopptu.
Il-fenomenu ta’ 34 sena għażel li ma jiġux b’idejn Mauricio Pochettino meta ġie sostitwit fir-rebħa ta’ tmiem il-ġimgħa li għaddiet fuq Lyon, li kien maħsub li kienet bidla tattika.
Madankollu, minn dakinhar ‘l hawn ġie żvelat li Messi sofra injury fl-irkoppa tax-xellug tiegħu, u s-sitt darbiet rebbieħ tal-Ballun tad-Deheb kien imġiegħel jitlef ir-rebħa tal-Erbgħa fuq Metz.
Il-kwistjoni oriġinarjament ma kinitx maħsuba li kienet serja, iżda ġie ssuġġerit li l-injury ta’ Messi fl-irkoppa tista’ potenzjalment iżommu barra mill-azzjoni għal ftit ġimgħat li ġejjin.
Messi seta’ ġarrab l-injury oriġinali kontra l-Venezwela aktar kmieni dan ix-xahar u minn dakinhar l-injury kompliet tisserja, li poġġiet lill-attakkant f’riskju ta’ injuries aktar serji li kapaċi jeskluduh mil-logħob għal xhur sħaħ.
Messi huwa lest għal aktar testijiet marbuta ma’ din l-injury din il-ġimgħa iżda diġà huwa meqjus bħala dubju ewlieni għall-konfront taċ-Champions League tal-ġimgħa d-dieħla kontra Manchester City fil-Parc des Princes.
L-ex player ta’ Barcelona għadu jrid jadatta ruħu f’Pariġi wara t-tluq emozzjonali tiegħu minn Camp Nou, u ma rreġistra l-ebda goal u l-ebda assist mill-ewwel tliet logħbiet tiegħu taħt Pochettino.
