Hekk kif l-istilla Arġentina Lionel Messi se jkun qed jilgħab l-aħħar Tazza tad-Dinja tiegħu fil-Qatar, dan tal-aħħar qed jibża’ li xahar qabel dan l-avveniment tant importanti jista’ jweġġa’ u jitlef kollox.
Wara li Angel di Maria u Paulo Dybala jinsabu mweġġgħin, kien Messi stess li fi stqarrija ma’ gazzetta Arġentina sostna li se jipprova joqgħod attent għax ma jixtieqx jitlef il-ħames u l-aħħar tazza tad-dinja tiegħu.
