L-attakkant ta’ Paris Saint-Germain, Lionel Messi, se jibqa’ fil-club għall-istaġun 2022-23.
Is-seba’ darbiet rebbieħ tal-Ballun tad-Deheb ma laħaqx l-ammont solitu ta’ goals tiegħu matul l-ewwel staġun tiegħu fi Franza iżda rreġistra l-ammont rispettabli ta’ disa’ goals u 13-il assist minn 30 dehra fil-kompetizzjonijiet kollha.
Messi skorja biss ir-raba’ goal tiegħu fil-Ligue 1 tal-istaġun fid-draw ta’ 1-1 ta’ nhar is-Sibt kontra Lens – riżultat li kiseb it-titlu tal-Ligue 1 għat-team immexxi minn Mauricio Pochettino meta għad fadlilhom erba’ partiti x’jilagħbu.
Il-kuntratt tal-player ta’ 34 sena fil-Parc des Princes għandu jibqa’ għaddej sal-2023 bl-għażla ta’ 12-il xahar addizzjonali, iżda huwa kien marbut ma’ tluq bikri fost id-diżappunt ta’ PSG fiċ-Champions League.
Madankollu, jidherli Messi se jibqa’ fil-club għal mill-inqas sena oħra, u ċ-champions Franċiżi huma lesti li jibnu t-team madwar il-fenomenu Arġentin.
Madankollu, il-futur ta’ Pochettino fit-tmexxija tal-Pariġini huwa aktar inċert, fejn jidher li l-club mill-kapitali Franċiża qed jipprepara bis-sħiħ biex ikeċċi lill-coach ta’ 50 sena u lill-istaff tal-coaches tiegħu b’mod immedjat.
Il-manager ta’ Tottenham Hotspur Antonio Conte qed jitqies bħala konkorrent sorprendenti tat-team mill-Parc des Princes jekk Pochettino ma jibqax fit-tmun tal-club fis-sajf.
