Lionel Messi mhux se jaċċetta offerta ta’ kuntratt ġdid ma’ Paris Saint-Germain u minflok se jitlaq b’xejn fis-sajf li ġej.
Messi, ta’ 35 sena, telaq lil Barcelona fl-2021 biex jingħaqad mal-club Pariġin b’kuntratt ta’ sentejn, bl-għażla li jiġġedded b’sena.
Wara staġun xejn feliċi fil-kampjonat Franċiż, li fih irnexxielu biss jiskorja sitt goals, Messi fl-aħħar jidher li qed jissetilja f’dan l-ambjent.
F’dan l-istaġun s’issa huwa diġá skorja sitt goals u pprovda sitt assists għal Paris St Germain kif ukoll skorja erba’ goals fil-logħbiet internazzjonali mal-Arġentina.
Iżda minkejja li reġa’ sab il-forma solita tiegħu, Messi qed jaħseb biex jitlaq mill-Parc des Princes fi tmiem l-istaġun.
Nistennew u naraw!
