Hi ħaġa ċerta li Lionel Messi se jħalli lil Paris St Germain fl-aħħar ta’ dan l-istaġun. Wara s-sospensjoni ta’ 15-il ġurnata li tah il-bord tad-dixxiplina tal-klabb, Messi ftit qed jagħti kas hekk kif bħalissa hemm offerta li qed jagħmlulu t-tim Sawdi ta’ Al Hilal li tiswa ċ-ċifra eżaġerata ta’ €543 miljun.
Rapporti fil-gazzetti Spanjoli qed jgħidu li Messi mhux se jirritorna ma’ Barcelona minħabba li għadu ma jridx itemm il-karriera tiegħu ħesrem. Huwa għalhekk li hu mar fl-Arabja Sawdija sabiex jara l-ambjent, xi ħaġa li xejn m’għoġbot lil PSG li ssospendietu u qatgħetlu wkoll is-salarju tiegħu għal ġimagħtejn.
