Manchester United ħabbru uffiċjalment li ffirmaw lid-difensur internazzjonali Arġentin, Lisandro Martinez, mingħand Ajax għas-somma ta’ £57 miljun.
Dan huwa t-tielet akkwist tal-coach Erik ten Hag mindu ingħata l-ħatra tiegħu f’Old Trafford hekk kif fl-istaġun li għadda ħadmu t-tnejn flimkien fit-team ta’ Ajax wara li ssieħeb mal-club Olandiż fl-2019.
Huwa ffirma kuntratt ta’ ħames snin.
Iż-żewġ akkwisti l-oħra huma Tyrell Malacia u Christian Eriksen.
