Id-difensur ta’ Ajax, Lisandro Martinez qal li informa lill-club bix-xewqa tiegħu li jilgħab fil-Premier League fost rabtiet ma’ Arsenal u Manchester United.
Iż-żewġ clubs Ingliżi huma maħsuba li qegħdin f’taqtigħa għaż-żagħżugħ ta’ 24 sena, li impressjona f’diversi rwoli taħt il-gwida ta’ Erik ten Hag f’Amsterdam.
Martinez kiseb tifħir għall-wiri tiegħu bħala difensur ċentrali u midfielder difensiv taħt il-gwida ta’ Ten Hag, u kemm l-Olandiż kif ukoll Mikel Arteta jingħad li huma intrigati bl-idea li jutilizzaw lill-player internazzjonali Arġentin bħala difensur xellugi.
