Il-Kap Eżekuttiv ta’ Liverpool, Billy Hogan, saħaq li hemm pjanijiet fis-seħħ jekk il-club jonqos milli jikkwalifika għaċ-Champions League tal-istaġun li ġej.
Ir-Reds tħabtu biex jibdew fl-istadji bikrija tal-Premier League għall-istaġun 2022-23, u kisbu biss 10 punti mill-ewwel seba’ logħbiet tagħhom, li ħalliehom fid-disa’ post fil-klassifika.
It-team immexxi minn Jurgen Klopp jinsab erba’ punti distakk mill-ewwel erbgħa qabel żewġ logħbiet diffiċli kontra Arsenal u Manchester City, filwaqt li fid-19 ta’ Ottubru se jiffaċċjaw ukoll lil West Ham United fil-Premier League.
