Liverpool qed ikomplu jsegwu l-prestazzjonijiet tad-difensur ċentrali ta’ Torino, Bremer, qabel offerta potenzjali għall-Brażiljan matul it-tieqa tat-trasferimenti ta’ dan is-sajf.
Iż-żagħżugħ ta’ 25 sena ffirma ftehim ġdid mal-club Taljan tiegħu biss fi Frar li għadda iżda għadu marbut b’mod qawwi ma’ ċaqliq ‘il bogħod minn mal-Granata fis-suq tat-trasferimenti li ġej.
Manchester United, Arsenal, Juventus u Inter huma kollha maħsuba li huma ħerqana fuq id-difensur, li skorja tliet goals u rreġistra assist wieħed fi 28 dehra tas-Serie A matul dan l-istaġun.
Liverpool qed ikomplu jsegwu wkoll il-progress tal-player mill-Amerika t’Isfel, hekk kif ir-Reds qed jiżnu li jagħmlu offerta għalih qabel l-istaġun 2022-23.
Inter jinsabu ‘fil-pole position’ għall-akkwist tiegħu f’dan l-istadju, iżda t-team immexxi minn Jurgen Klopp għamel ‘inkjesti informali’ dwar id-difensur fl-aħħar ġimgħat.
Torino huma maħsuba li jistmaw lil Bremer fir-reġjun ta’ €25m, li x’aktarx jagħmilha proposta attraenti fis-suq ta’ trasferimenti li jmiss.
