Liverpool huma interessati li jiffirmaw lill-attakkant ta’ Benfica, Darwin Nunez, matul it-tieqa tat-trasferimenti ta’ dan is-sajf.
Iż-żagħżugħ ta’ 22 sena kien f’forma impressjonanti għall-club Portugiż tiegħu matul l-istaġun 2021-22, fejn skorja 23 goal u pprovda żewġ assists f’29 dehra fil-kompetizzjonijiet kollha.
West Ham United fallew b’offerta ta’ Jannar għall-attakkant, filwaqt li Manchester United jingħad li huma ammiraturi tal-internazzjonali Urugwajan.
Huwa mifhum li hemm ukoll interess serju minn Liverpool, bir-Reds iħarsu lejn il-firma tiegħu qabel l-istaġun 2022-23.
Nunez huwa miftuħ li jmur jilgħab Anfield dan is-sajf, għalkemm il-club immexxi minn Jurgen Klopp ikollu jkun lest li jħallas madwar £55 miljun għall-firma tiegħu.
Il-player mill-Amerika t’Isfel, li għad fadallu aktar minn tliet snin fil-kuntratt attwali tiegħu, skorja 37 goal u rreġistra 14-il assist f’73 dehra għal Benfica minn meta ngħaqad magħhom mingħand Almeria f’Settembru tal-2020.
