Liverpool huma interessati li jiffirmaw lill-midfielder ta’ Porto, Vitinha, li huwa klassifikat tajjeb ħafna dan is-sajf.
Iż-żagħżugħ ta’ 22 sena kien player ewlieni għat-team immexxi minn Sergio Conceicao dan l-istaġun, fejn skorja tliet goals u rreġistra erba’ assists f’40 dehra fil-kompetizzjonijiet kollha.
Liverpool huma fost numru ta’ clubs Ewropej, fosthom Bayern Munich u Lazio, li ilhom isegwu lill-midfielder ‘b’ħafna attenzjoni’.
Vitinha kellu perijodu ta’ self diffiċli ma’ Wolves l-istaġun li għadda, fejn beda biss ħames darbiet fi 22 dehra fil-kompetizzjonijiet kollha, iżda minn dakinhar huwa żviluppa bħala player regolari tal-ewwel team ma’ Porto dan l-istaġun.
Il-midfielder jinsab taħt kuntratt fl-Estadio do Dragao sa Ġunju 2024 u huwa maħsub li għandu klawsola ta’ release ta’ €40m.
Il-ġganti Spanjoli Real Madrid ġew ikkreditati wkoll b’interess f’Vitinha, li x-xahar li għadda ddebutta mat-taem nazzjonali tal-kbar tal-Portugall.
